وانت بعيــــــــــد ....

وأنت بعيد ...


ممكن تكون ناجح في شغلك او في دراستك

ممكن تكون اجتماعي وبتحب الناس والناس بتحبك

ممكن تكون بره فرحان وسعيد

بس من جوه

حيران ..او تائه

ممكن تعبان ومهموم

عارف انك دخلت في مرض الغفله

عارف انك ماذكرتش ربنا طول اليوم

عارف انك بقالك اسبوع او اتنين

ويمكن شهر ماصليتش قيام ليل

عارف انك بعيد

والبعد ده تاعبك من جواك

نفسك ترجع ومش قادر

حاسس انك مش قادر بجد

مهما سمعت كلام ودروس

مش قادر ...

في حاجه غلط

بس قلبك لسا في حياه

ماهو انت لما تحس انك تعبان

وان في حاجه غلط

يبقى قلبك مشتاق

قلبك مشتاق

بس نداء واشتياق القلب للسجده

او لمناجه او دعاء او قرءاة قراءن

اشتياق القلب بيخبط بجدار الغفله الي حولايه

الأشتياق ده مابيوصلش لجوارحك

ماهو لو وصل لجوارحك حاتنتفض من السرير

انا ماصلتيش قيام ليل

انا ماذكرتش ربنا

انا انا انا

ياترى حاتفضل بعيد لأمتى ؟

وقلبك عايش في ضلمه

وحيد بلا حياه

يمكن دعوه تشق جدار الغفله

تفضل تلح بيها في كل صلاه مكتوبه

وفي كل وقت تكون على لسانك

تختار اوقات الأستجابه

تحطها في بالك

اللهم يا واصل المنقطعين اوصلنا اليك

-------
قال تعالى"اعْلَمُوا أَنَّ اللَّهَ يُحْيِي الْأَرْضَ بَعْدَ مَوْتِهَا قَدْ بَيَّنَّا لَكُمُ الْآيَاتِ لَعَلَّكُمْ تَعْقِلُونَ "

قال تعالى "أَوْ كَالَّذِي مَرَّ عَلَى قَرْيَةٍ وَهِيَ خَاوِيَةٌ عَلَى عُرُوشِهَا قَالَ أَنَّى يُحْيِي هَذِهِ اللَّهُ بَعْدَ مَوْتِهَا فَأَمَاتَهُ اللَّهُ مِائَةَ عَامٍ ثُمَّ بَعَثَهُ قَالَ كَمْ لَبِثْتَ قَالَ لَبِثْتُ يَوْمًا أَوْ بَعْضَ يَوْمٍ قَالَ بَلْ لَبِثْتَ مِائَةَ عَامٍ فَانْظُرْ إِلَى طَعَامِكَ وَشَرَابِكَ لَمْ يَتَسَنَّهْ وَانْظُرْ إِلَى حِمَارِكَ وَلِنَجْعَلَكَ آيَةً لِلنَّاسِ وَانْظُرْ إِلَى الْعِظَامِ كَيْفَ نُنْشِزُهَا ثُمَّ نَكْسُوهَا لَحْمًا فَلَمَّا تَبَيَّنَ لَهُ قَالَ أَعْلَمُ أَنَّ اللَّهَ عَلَى كُلِّ شَيْءٍ قَدِيرٌ"





---------------

وانت بعيد ....

أكيد محتاج ترجع
--------------------